Zaroori tha - Rahet Fateh Ali Khan (lyrics+video)

                  Zaroori tha - Rahet Fateh Ali Khan

Zaroori Tha Lyrics

Lafz kitne hi tere pairon se lipte honge

Tune jab aakhiri khat mera jalaya... hoga

Tune jab phool, kitabon se nikaale honge

Dene waala bhi tujhe yaad toh aaya hoga

Teri aankhon ke dariya ka

utarna bhi zaroori tha

Mohabbat bhi zaroori thi

Bichadna bhi zaroori tha

Zuroori tha ki

Hum dono tawaaf-e-aarzoo karte

Magar phir aarzu'on ka

bikharna bhi zaroori tha

Teri aankhon ke dariya ka

utarna bhi zaroori tha

Bataao yaad hai tumko

Woh jab dil ko churaya tha

Churaai cheez ko tumne

Khuda ka ghar banaya tha

Woh jab kehte thhe

Mera naam tum tasbih mein padhte ho

Mohabbat ki Namaazo ko

qara karne se darte ho

Magar ab yaad aata hai

Woh baatein thi mahaz baatein

Kahin baaton hi baaton mein

Mukarna bhi zaroori tha

Teri aankhon ke dariya ka

Utarna bhi zaroori tha

Wahi hai sooratein apni

Wahi main hoon, wahi tum ho

Magar khoya huaa hoon main

Magar tum bhi kahin gum ho

Mohabbat mein dagha ki thi

So kaafir the so kaafir hain

Mili hain manzilein phir bhi

Musaafir thhe, musaafir hain

Tere dil ke nikaale hum

Kahaan bhatke, kahaan pahunche

Magar bhatke toh yaad aaya

Bhatakna bhi zaroori tha

Mohabbat bhi zaroori thi

Bichhadna bhi zaroori tha

Zaroori tha ki

Hum dono tawaaf-e-aarzoo karte

Magar phir aarzu'on ka

Bikharna bhi zaroori tha

Teri aankhon ke dariya ka

Utarna bhi zaroori tha

Zaroori tha